Mediat në Kosovë raportojnë se numri i agresorëve të vrarë nga përplasja në veri ka shkuar në 4.
Në Banjskë është gjetur i vdekur edhe një person tjetër, që i përket agresorëve të një ditë më parë, të cilët vranë efektivin e policisë Afrim Bunjaku
Prokurori Naim Abazi ka thënë për gazetën Koha se gjatë kontrollit të pjesës se ku ka ndodhur rasti, është gjetur edhe një trup i vdekur i një sulmuesi.
Abazi ka deklaruar se gjithashtu është gjetur edhe një makinë e cila po ekzaminohet nga ekipet përkatëse.
Numri i sulmuesve të vrarë ka shkuar në katër.
Nga sulmet ndaj Policisë së Kosovës, ka mbetur i vdekur polici Afrim Bunjaku dhe janë plagosur tre policë.
Shfaq Komentet (0)